Turismo aktiboaren sektoreko Euskadiko enpresentzako elkarte espezifikoa da Aktiba.

Beraz, Aktibako familiako kide izateko, beharrezkoa da baldintza hauek betetzea.

1. Legez eratutako erakunde bat izatea (enpresa, langile autonomoa, kooperatiba, etab.).
2. Egiten duzun jarduera “turismo aktibotzat” hartzen direnen barruan egotea; hau da, aisialdirako, dibertimentuzko, kirola egiteko eta/edo abenturako jarduerak egitea izan behar duzu helburutzat. Jarduera jakin bat “turismo aktiboa” kontzeptuaren barruan sartzeari buruzko zalantzak daudenean, Zuzendaritza Batzordeak aztertu eta erabakiko du gaia.
3. Egoitza soziala edo ordezkaritza Euskal Autonomia Erkidegoan izatea.

Baina, zalantzarik baduzu, jarri harremanetan Aktibarekin eta atseginez lagunduko dizugu.

Enpresa elkartu gisa Aktiban sartu ahal izateko, dokumentazio hau izan beharko duzu prest:

1. Eskabide-orria, behar bezala beteta.
2. Jarduera ekonomikoen gaineko zergan alta emanda egotearen kopia.
3. Enpresa Gizarte Segurantzan inskribatuta edo autonomoen araubide berezian afiliatuta egotearen agiria, langilerik gabeko banakako enpresaburuentzat.
4. Azken TC2 edo RNT agiriak edo autonomo-ordainagiria.
5. Enpresak egindako jarduera barne hartuko duen erantzukizun zibileko aseguru-polizaren kopia eta indarrean dagoen azken ordainagiriaren kopia.
6. Enpresak eskaintzen dituen zerbitzuei buruzko informazioa.
7. Legezko Betekizunen Adierazpena, enpresako arduradunak beteta eta sinatuta, aplikatzekoa den legeria osoa betetzen dela berariaz adierazita.

Aktibako enpresa elkartuek izena emateko eskatzen diren baldintza guztiak bete behar dituzte (gorago ikus ditzakezu), baita Aktibak onartutako barne-araudia ere.

Aktibako enpresa elkartuek kudeaketa profesionala egiteko konpromisoa hartzen dute, erabiltzaileentzako segurtasun-berme osoz eta gure sektorea arautzen duten legeetan eta araudietan zehaztutako araudiek eta jarduketa-protokoloek ezarritako jarraibideei jarraituz.

Gainera, konpromisoa hartzen dute hilero 300 euroko kuota (BEZa barne) ordaintzeko. Kuota hori Aktibak enpresa elkartuei eskaintzen dizkien zerbitzuak eta laguntzak emateko baino ez da erabiliko. Ez dago bazkide-kuotarik.

Lehen urtea:

• Enpresa elkartu berriei urteko kuotaren % 50 murriztuko zaie; hau da, 150,00 euroko kuota edukiko dute.
• Autonomoak baldin badira, 2 urtean zehar murriztuko zaie kuotaren % 50a.

Aktiba ez da irabazi-asmoa duen elkarte bat, baizik eta beren negozio eta eguneroko kudeaketa-helburuak lortu ahal izateko askatasunez eta modu ofizialean elkartzen diren enpresen elkarte bat. Beraz, bazkideen kuoten eta kanpoko beste laguntzen bidez bildutako diru guztia enpresa elkartuen laguntza eta aholkularitzarako erabiltzen da oso-osorik.