AKTIBA-REN PROPOSAMENA, COVID-19 BIRUSAK SORTUTAKO KRISIA DELA ETA, EUSKAL TURISMO AKTIBOAREN ARLOKO ENPRESA-SAREA BABESTU ETA LAGUNTZEKO

Aktiba Euskadiko Turismo Aktibo, Abentura eta Natur jardueren Enpresen Elkartea 2004an sortu zen, eta ingurune naturaletara eta hiri-ingurunetara zuzendutako Euskadiko turismo aktiboaren eta abenturako zerbitzuen eskaintza global eta lehiakor nagusia biltzen du.

Aktiba Euskadiko turismo aktiboaren eta abenturaren sektorea ordezkatzen du, eta sektorearentzat eta elkarteko enpresentzat interesgarriak diren ekitaldi, negoziazio eta bestelako foroetan hartzen du parte.

Aktiba turismo aktiboa turismo globalaren bilbean txertatzearen alde egiten du, eta erremintak eta zerbitzuak eskaintzen dizkie enpresei kudeaketa hobetu dezaten, sektoreko profesionalen prestakuntza eta gaikuntza sustatuz eta sektorera berrikuntza ekarriko duten lankidetzazko proiektuak bultzatuz.

Aktiba sektorearen arautzea eta normalizatzea sustatzen du, jardueren kalitatearen eta segurtasunaren aldeko neurri nagusi gisa eta lehia desleiala saihestearren.

Erabiltzaileei, ziurta dezatela zerbitzuak Aktibarenak bezalako enpresa arduratsu eta egiaztatuetan kontratatzen dituztela.

Araudiak bete gabe turismo aktiboko zerbitzuak eskaintzen dituzten erakundeei, arauetara egokitu daitezela, horretarako behar den informazioa eskaintzen diegularik.

Erakundeei, arautu dezatela Euskadiko turismo aktiboaren sektorea, kalitatea eta erantzukizuna berma daitezen, lehia desleiala saihestuz eta sektoreko euskal enpresen leihakortasuna sustatuz.