Side area

logo

Welcome to Wellspring

Lorem ipsum dolor sit amet, consectetur adipiscing elit, sed do eiusmod tempor incididunt ut labore et dolore magna aliqua.
Working Hours
Monday - Friday 09:00AM - 17:00PM
Saturday - Sunday CLOSED
From Our Gallery

637 77 00 33

info@aktiba.eus

Top
 
Zerbitzuak

AKTIBAREN ZERBITZUAK ELKARTEKO ENPRESENTZAT

Solaskide eginkizunak, maila guztietan, Euskadiko turismo aktiboan, gure elkarteko enpresen ordezkaritzan arituz antolakunde eta erakundeen aurrean, hainbat foro profesional garrantzitsutan etengabe egonez.

Turismo aktiboaren sustapena Euskadin, oro har, eta eremu guztietan, hainbat erreminta ditugularik horretarako: elkarteko enpresa bakoitza bere datuekin Aktibaren web-orrian agertuz, Aktibaren liburuxka digitalean agertuz, sare sozialetan (Facebook, Linkedin, Instagram, Twitter…) agertuz, Aktiba marka kalitatezko label gisa erabiliz eta baita profesionaltasun berme modura ere (establezimenduan plakak, pegatinak, logoak, etab.), barne komunikazio etengabea elkarteko enpresentzat jarritako erreminta zehatzen bitartez,…

Zerbitzu espezifikoak, turismo aktiboko sektorera zuzenduak: lan- eta zerga-aholkularitza, lehiarengatiko arazoak, laguntzei eta diru-laguntzei buruzko infomazioa eta aholkularitza, laneko arriskuen prebentzioa, aseguruei buruzko informazioa…

Elkarteko enpresentzako aholkularitza enpresako kontuen gainean, arreta berezia jarriz leiha desleialek eragindako arazoetan, jarduketarako protokolo propioa ezarrita.

Barne komunikaziorako kanalak elkarteko enpresen arteko harremana, trukea eta lankidetza errazteari eta sustatzeari begira.

Prestakuntza zerbitzuak enpresari, zuzendari eta langileentzat, hainbat gai eta formatuetan, Elkarteak antolaturik edo erlazionatutako irakaskuntza zentroekin (Spri, Harrobia, Kirolene, …) lankidetzan.

Turismo aktiboko sektoreari buruz azterlanak eta analisiak egitea eta baita enpresei eta dituzten arazoei buruzkoak ere, enpresa eta erakundeentzat interesgarri direnak, sektoreari interesatzen zaizkion gaiak aztertzeko eta eztabaidatzeko jardunaldi teknikoak eginez.

Elkarteko enpresentzako abantaila esklusiboak beste antolakundeekin, elkarteekin, erakundeekin eta hornitzaileekin gauzatutako hitzarmenen bidez, enpresaren lehiakortasuna, ezagutza eta errendimendua hobetuz horrela.

TURISMO AKTIBOAREN JARDUNALDI TEKNIKOAK

``PRESTAKUNTZA PROFESIONALA ETA TURISMO AKTIBOA`` | LANDAKO GUNEA, DURANGO, BIZKAIA | 2019/11/29

EDUKIAK

Turismo aktiboa garatzeko funtsezko unea da Euskadin. Une honetan, eskaintzaren kalitatea eta aniztasuna, bezeroen segurtasuna eta, bereziki, profesionalen prestakuntza funtsezko faktoreak bihurtu dira erabiltzaileek erabakiak har ditzaten.
Helmuga turistikoek gero eta kalitatezko jarduera gehiago eskaini behar dituzte esperientzia berriak bilatzen ari diren turista eta bisitariak erakartzeko, eta egoera honetan, prestakuntza funtsezko elementua da sektorearen bermedun garapena lortzeko.
Gure inguruko erregulazio berriek eta Kirolarekin lotutako Lanbideen Lege Proiektuak une garrantzitsu batean kokatzen gaituzte prestakuntzaren azterketa zehatza egiteko. Proposamen honetan jasotzen denaren arabera, turismo aktiboaren arloko profesionalen prestakuntzarekin zerikusia duten eragile guztiak bilduko dira.

HIZLARIAK

Jose Antonio Goikoetxea, EEIko (Lanbide Heziketaren Ezagutzaren Euskal Institutoa) Ikaskuntzen Aitorpenerako Eremuko Zuzendaria, eta Amaia Peña, EEIko Teknikaria.
J. Ramón Fernandez, Kiroleneko Zuzendaria (EAEko Kirol Irakaskuntzen Ikastetxe Publikoa), eta Asier Puente, Kiroleneko Ikasketaburua.
Fernando Garrigos, Harrobia, Lanbide Heziketako Ikastolako Zuzendaria (Kirol Irakaskuntzako ikastetxe baimendua).
Iñaki Ortuzar, Euskal Herriko Unibertsitateko Hezkuntza eta Kirol Fakultateko Irakaslea.

``MARKETINA ETA MERKATURATZEA TURISMO AKTIBOAN`` | SPORTJAM AZOKA, DONOSTIA-SAN SEBASTIÁN | 2018/11/02

EDUKIAK

HITZALDIA: Olatu Handia! Turismo aktiboko enpresentzako estrategia berriak. Erabiltzaileei egindako entzute enpatiko batek aukera ematen digu turismo aktibora Olatu Handia datorrela ikusteko. Hitzaldiak Olatu Handiaren nondik-norakoa aurkezten digu eta azaltzen diren aukeren aurrean arrakasta izateko estrategiak partekatzen ditu.

HIZLARIAK

Luis André Hernández, EMPATH-en sortzailea, hots, Interneten jasotzen diren iritzi espontaneoak ulertzen laguntzeko erremintak garatzen eta zerbitzuak eskaintzen dituen enpresa-ekimena, arrakasta duten jarduerak sustatzeko xedez, gizartearen onurarako ere izango direnak. Entzute aktiboko 500 egitasmo baino gehiago sustatu ditu, enpresek erabiltzaileen igurikapenekin bat datozen produktu eta zerbitzuak gara ditzaten beharrezko informazioa emanez.

``TURISMO AKTIBOA ETA ESPAZIO PUBLIKOAK`` | SALBURUA, VITORIA-GASTEIZ | 2017/11/09

EDUKIAK

Hitzaldia: “Turismo aktiboa eta ingurumen- eta hiri-arauak: bilakaera eta egokitzapena”.
Kudeaketaren adibidea: TDA (Aragoiko Turismo Aktiboko Elkartea) eta arroila-jaistea Aragoin.
Lan Mahaia (I): “Turismo aktiboaren kudeaketa espazio naturaletan”.
Lan Mahia (II): “Turismo aktiboaren kudeaketa hiri inguruneetan”.

HIZLARIAK

Alejandro López Sánchez, Zuzenbidean lizentziatua A Coruñako Unibertsitatean, Mendi Kiroletako Zuzenbidean Masterra (UNIZAR), aholkularia kirol-zuzenbidean eta turismo aktiboan.
Mahaia (I): Alex Ule, Aktibako ordezkaria; Joseba Carreras, Arabako Foru Aldundiaren Espazio Naturalen eta Biodibertsitatearen Ataleko arduradun teknikoa; Pedro Areta, aholkularia EKOLUR Ingurumen Aholkularitzan; Zigor Arteaga, biologoa eta aholkulari independentea ingurumenean; Javier Garrido, APAGMko (Aragoiko Mendiko Gidarien Elkargo Profesionala) Zuzendaritza Batzordeko kidea.
Mahaia (II): Victor Ruiz de Erentxun, Aktibako ordezkaria; Carlos Martinez, BilbaoXperience-ko zuzendaria; eta, Iranzu Arginzoniz, Jai Alai Events-eko zuzendaria.

``TURISMO AKTIBOA EKITALDIEN ANTOLAKETAN. MICE`` | BILBO | 2016/11/10

EDUKIAK

Hitzaldia: “Turismo aktiboa enpresa pizgarrietan eta ekitaldi korporatiboetan”
Lan Mahaia (I): “Ekitaldi korporatiboen antolatzaileen beharrak: jarduerak, profesionalak, espazioak, ekipamenduak, baimenak, etab.”
Lan Mahaia (II): “Ekitaldietarako turismo aktiboaren marketina eta merkaturatzea. Merkaturatze-bideak, posizionamendua, sinergiak.”

HIZLARIAK

Manuel Araujo, Exploramás konpainiako zuzendaria, GEKen (Gizarte Erantzukizun Korporatiboa) eta TeamBuilding-en aditua. Marketin eta Merkataritza Zuzendaritzako Masterra – (ESADE Business School). Ekitaldi korporatiboen sektoreko iraunkortasunari buruzko mahaiko eta Costa del Sol-eko Convention Bureau-ren 2015eko Ekintza Planeko kidea.
Mahaia (I): Arantza Madariaga, Basquetour-eko zuzendaria; Eva Rosado, Turismoko diplomatua, TAFAD, Exploramás-eko bazkide sortzailea eta ekoizpen saileko burua; César de la Paz, industria psikologoa, DEA Ikerketa Sozialean, UNEDeko Coaching Psikologian Masterra, Aholkularitza & Training zuzendaria MRC Nazioarteko Prestakuntzan; eta, Begoña Cardona, Orbea-ko ekitaldien arduraduna.

Mahaia (II): Mercedes Rodriguez, Bilbao Turismo & Convention Bureau-ko zuzendaria; Manuel Araujo, Exploramás-eko zuzendaria; Andrés Ginés, ATRAE-ko gerentea, Zientzia Ekonomiko eta Enpresa Zientzietan lizentziatua, hirugarren sektoreko erakundeetan, nazioarteko lankidetzarako fundazioetan eta gizarte-prestakuntza eta -berrikuntzako aholkularitzan garatu du ibilbide profesionala.

TURISMO AKTIBOARI BURUZKO SENTSIBILIZAZIO JARDUNALDIA BIZKAIAN - EUSKADI | BILBO - URDAIBAI | 2015/11/10

EDUKIAK

1. hitzaldia: “Turismo aktiboa arautzea”
2. hitzaldia: “Turismo aktibo iraunkorra”
3. hitzaldia: “Marketina eta Merkaturatzea. Joera berriak: familia turismoa”

HIZLARIAK

José Maria Nasarre Sarmiento: Zuzenbideko doktorea. Zaragozako Unibertsitateko Gizarte eta Lan Zientzien Fakultateko dekanordea. Zaragozako Unibertsitateko Zuzenbide Fakultateko irakaslea. Mendiko Kirolen Zuzenbideko Masterraren zuzendaria Zaragozako Unibertsitatean. Aragoiko Mendizaleen Federazioaren Administrazio Kontseiluko kidea. Espainiako Mendiko eta Eskaladako Kirol Federazioko Zuzendaritza Batzordeko kidea.
Isabel Junquera i Muriana: REPTE Territorial. Lege eta ingurumen aholkularia, turismo jasangarrian eta ekoturismoan aditua. EUROPARC Federazioaren ikuskaria.
Inés Dewulf: Enpresen Kudeaketa eta Antolamenduko goi-mailako ingeniaria. TDA Aragoiko Kirol Turismoko Enpresen Elkarteko presidentea. UR Rafting SLL-eko gerentea.